ЯҢАЛЫКЛАР
28 март көнне бөек рус язучысы Максим Горькийның тууына 155 ел тула. Казанда Горький дүрт ел яшәгән һәм Татарстан башкаласы язучының юбилеен бәйрәм итүнең мөһим нокталарының берсе булачак. Бу көнне ТР Милли музее филиалы Горький һәм Шаляпин музее А.С.Пушкин исемендәге Мәдәни үзәк белән берлектә ТР Мәдәният министрлыгы ярдәмендә классикның юбилеена багышланган бай программасын тәкъдим итәчәк.
22 мартта Казан Кремлендә Татарстан Республикасы мәдәният министры Ирада Әюпова һәм комиссия әгъзалары катнашында халык сәнгать һөнәрләре буенча Татарстан Республикасы сәнгать-эксперт советы утырышы булды.
Хөрмәтле татарстанлылар һәм Татарстан кунаклары!
Каникул көннәрендә 24 марттан 2 апрельгә кадәр безнең театрларыбыз һәм мәдәният учреждениеләре бай чаралар программасын әзерләделәр. Сезне спектакльләр, мастер-класслар, экскурсияләр, цирк программалары һәм башкалар көтә. Афиша белән сылтама буенча танышырга мөмкин. Сезне дә, сезнең балаларыгызны да көтәбез. Барлык чараларга билетларны Пушкин картасы буенча алырга мөмкин.
Күптән түгел 11-18 мартта С.Сәйдәшев исемендәге ДЗКЗ сәхнәсендә IV халыкара орган фестивале узды. Аңа нигез салучы ТР Дәүләт академик симфоник оркестры сәнгать җитәкчесе һәм баш дирижёры Александр Сладковский булды. Фестивальдә Дәүләт академик симфоник оркестры (ТР ГАСО) белән берлектә Россия, Бөекбритания, Нидерландтан чакырылган 7 артист катнашты. Мәдәни чарада Россия һәм Казан артислары башкаруындва 5 премьера яңгырады.
24 март 15:00 сәг. һәм 25 март 18:00 сәгатьтә ТР ДССМ заманча сәнгать Галереясы мәйданчыгында VR-залында Николай Фешинның тормышы һәм иҗатына багышланган уникаль куелыш - "Фешин. Музы" дип исемләнгән интерактив медиаперформанс узачак.
2023 елның 22 мартыннан 22 апреленә кадәр Татарстан Республикасы Мәдәният министрлыгында Татарстан Республикасы территориясендә урнашкан Татарстан Республикасы дәүләт мәдәният учреждениеләре һәм муниципаль мәдәният учреждениеләренең иң яхшы хезмәткәрләренә 2023 елда квалификация күтәрү программаларында катнашу, тәҗрибә уртаклашу чараларында катнашу өчен Татарстан Республикасы бюджетыннан грантлар алу конкурсында катнашуга гаризалар кабул ителә.
2023 елның 22 мартыннан 22 апреленә кадәр Татарстан Республикасы Мәдәният министрлыгында мәдәният өлкәсендәге проектларны гамәлгә ашыру максатыннан Татарстан Республикасы территориясендә урнашкан Татарстан Республикасының иң яхшы дәүләт мәдәният учреждениеләре һәм иң яхшы муниципаль мәдәният учреждениеләренә Татарстан Республикасы бюджетыннан грантлар бирү конкурсында катнашуга гаризалар кабул ителә.
Г.Камал исемендәге Татар дәүләт Академия театры режиссеры Айдар Җәббаровка яшь мәдәният эшлеклеләре өчен Россия Федерациясе Президенты премиясе бирелде. Бүген тиешле карарга Россия Президенты Владимир Путин кул куйды. Режиссерга әлеге премия Ватан театр сәнгате үсешенә керткән өлеше өчен тапшырылды.
"ТР Милли музее ачылышының 128 еллыгына оештырылган музей коллекцияләрендә табигый ядкарьләр" күргәзмәсе 2023 елның 20 июненә кадәр дәвам итәчәк.
23 март 16:00 сәгатьтә ТР ДССМ «Хәзинә» Милли сәнгать галереясендә «Петр Сперанский - татар театрының «архитекторы» күргәзмәсе ачыла.