ЯҢАЛЫКЛАР
26 апрель көнне Татарстанда Туган тел көне һәм бөек татар шагыйре Габдулла Тукайның тууына 137 ел тулу вакыйгасы билгеләп үтелә. Бәйрәм уңаеннан республикада күпсанлы тантаналы чаралар үткәрү планлаштырылды. Традиция буенча бу көнне Татарстан Республикасы Рәисе Рөстәм Нургали улы Миңнеханов Габдулла Тукай исемендәге Татарстан Республикасы Дәүләт премиясе лауреатларын игълан итәчәк.
24 апрельдә Салих Сәйдәшев музее Кәрим Тинчурин исемендәге Татар дәүләт драма һәм комедия театры оркестры белән берлектә “Тукай моңнары” исемле концерт оештырачак. Чара бөек шагыйрьнең туган көненә һәм Татарстанның халык артисты Эмиль Җәләлетдиновның якты истәлегенә багышланган. Концерт 18:30 башлана, керү түләүсез.
25 апрельдә 14:00 Татар китабы йортында Башкортстан һәм Татарстанның яшь рәссамнары катнашында «Рәссам китабы. Роберт Миңнуллинның шигъри балачак дөньясы» күргәзмәсе ачыла. Әсәрләр Роберт Миңнуллин иҗатына багышланган.
«Милли мультFest» республика балалар кинофестиваленә гаризалар кабул итү башланды. Фестиваль Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татаркино» дәүләт бюджет мәдәният учреждениесе тарафыннан 2023 елның 1 апреленнән 2023 елның 15 октябренә кадәр уздырыла.
31 май көнне 18:30 сәгатьтә Г.Тукай исемендәге Татар дәүләт филармониясендә Илһам Шакиров исемендәге Республика премиясен тапшыру тантанасы узачак.
2023 елның 15 апрелендә Габдулла Тукай әдәби музее һәм Г. Камал исемендәге Татар дәүләт академия театры бөек татар шагыйре Г. Тукайның үлеменә 110 ел тулу уңаеннан “Тукайның мәңгелек юлы” дип исемләнгән җәяүле экскурсия оештыра.
Язучылар берлегендә Тукай премиясенә тәкъдим ителгән язучылар иҗаты турында фикер алышу өчен җыелган утырыштан хәбәрчебезнең эксклюзив репортажы. Журналистыбыз Рузилә Мөхәммәтова язмасында утырышта катнашучыларның Тукай премиясе комиссиясенә җиткерәсе барлык сүзләре теркәлгән. ИА «Татар-информ» Рузилә Мөхәммәтовның мәкалә авторы, Рамил Гали фотосы
25 апрельдән алып 28 апрельгә кадәр Казанның Галиәсгар Камал театры сәхнәсендә Уфа “Нур” татар дәүләт театры гастрольләре узачак.
Бүген Казаннын «Чулпан» мәдәният үзәгендә бик күңелле бәйрәм узды. «Татарстанның мәдәни башкаласы» конкурсы кысаларында, Сарман районы үзенең үзенчәлекле мәдәни мирасы белән уртаклашты.
14 апрельдә Халыклар дуслыгы йортында Яков Емельянов исемендәге мәдәни үзәк тарафыннан оештырылган, мәшһүр җырчы, ТАССРның халык артисты, кабатланмас тавыш иясе Нәфисә Василова (Анастасия Петровна Васильева) истәлегенә, артистканың 80 яшьлек юбилеена багышланган “Үз илемдә” дип исемләнгән кичә узачак.