Татарстан Республикасы Министрлыклары Татарстан Республикасы Мәдәният министрлыгы

Казанда ел саен бирелә торган Шаляпин стипендиясе иясе мәгълүм

2017 елның 13 феврале, дүшәмбе

Бүген Федор Шаляпин тууга 144 ел тулуга багышланган тантаналар кысаларында, Горький исемендәге әдәби-мемориаль музейда җырчы исемендәге стипендия тапшырылды. Аңа Н.Җиһанов исемендәге Казан дәүләт консерваториясе вокал бүлегенең 2 курс студенты Дмитрий Босов лаек дип табылды. Аңа бүләкне Татарстан мәдәният министры урынбасары Светлана Персова тапшырды.

Алдагы елларда әлеге стипендияне Зур театр солисты Михаил Казаков, “Геликон-Опера” театры солисты Алексей Тихомиров, М.Җәлил исемендәге Татар дәүләт академия опера һәм балет театры һәм Татар дәүләт филармониясе солисты Владимир Васильев алган иде. Әлеге стипендияне Федор Шаляпин үзе гамәлгә куйган булган. Соңрак М.Горький исемендәге музей да җырчы исемендәге премияне бирүне гадәткә керткән.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Мәдәният өлкәсендә идарәчеләр өчен милли премиягә гаризалар кабул итү озайтылды

Мәдәният өлкәсендә идарәчеләр өчен Милли премиянең Күзәтчелек советы карары буенча премиягә гаризалар кабул итү озайтылды: гариза бирү формасына өстәмә төзәтмәләр кертелде, бәяләүнең яңа критерийлары өстәлде һәм кандидатлар өчен мөмкинлекләр киңәйтелде.

Татарстан Халыклар дуслыгы йортында таҗик мәдәнияте көне узачак

27 декабрьдә Татарстан Халыклары дуслыгы йортында таҗик мәдәнияте көне узачак.Кунакларга ТР таҗикларның милли-мәдәни автономиясе яшьләр хәрәкәте активистлары әзерләгән концерт программасын тәкъдим итәчәкләр.

декабрь, 2025 ел

«Уен Фест: яңа ел уеннары тылсымы» республика акциясендә катнашыгыз

Әкият бәйрәме – Яңа ел алдыннан "Таткультресурс үзәге «ДБУ»Уен Фест: яңа ел уеннары Тылсымы" республика акциясен башлап җибәрә. Акция «Уен Фест»проекты кысаларында узачак.

М. Җәлил исемендәге Татар дәүләт опера һәм балет академия театры сәхнәсендә «Сихерләнгән малай» спектакленең хәйрия күрсәтүе була

2025 елның 29 декабрендә 10.30 сәгатьтә М.Җәлил исемендәге Татар дәүләт опера һәм балет академия театры сәхнәсендә Заһид Хәбибуллин музыкасына «Сихерләнгән малай» спектакле хәйрия күрсәтеләчәк. Балетка «Альпари», «Добро бушлай», «Дети в радость», «Тут растут», «Без бергэ», «Мамино сердце», «Солнце в доме», «Чистые сердца», «Сможем вместе», «Игелек», «Светлячок» фондлары, Казан сукырлар җәмгыяте, Идел буе ятим балалар үзәге һәм башка оешмалар вәкилләре киләчәк.

ЯҢАЛЫКЛАРГА ЯЗЫЛУ