«Йолдызлык» - 2015 фестиваленең зона этабына матбугат туры
Хөрмәтле журналистлар!
Республика «Татмедиа» матбугат һәм массакүләм коммуникацияләр агентлыгы һәм ХV «Созвездие-Йолдызлык» эстрада сәнгатенең ачык телевизион яшьләр фестивале оештыру комитеты сезне фестивальнең зона этабы йомгаклау концертына чакыра. Ул 3 апрельдә сәгать биштә Кайбыч муниципаль район үзәге – Олы Кайбыч авылы мәдәният йортында була.
«Созвездие-Йолдызлык»ның зона (сайлап алу) турлары быелның 1 февраленнән алып Татарстан Республикасының төрле районнарында уздырыла. Анда 5 яшьтән алып 21 яшькәчә булган балалар, үсмерләр, яшьләр өч төп номинациядә – җыр, хореография һәм конферанс номинацияләрендә көч сынаша. Быелгы фестивальнең мәҗбүри шарты – конкурсантларның Бөек Ватан сугышында җиңү темасына багышланган номер башкаруы.
Сайлап алу турлары лауреатлары Казанда 13 – 17 апрельдә булачак суперфиналда катнашырга чакырылачак. Йомгаклау концертлары 18 апрельдә «Уникс»та һәм 25 апрельдә «Пирамида»да узачак. Матбугат турына аккредитацияне 2 апрельгә (кичке сәгать алтыга) кадәр shigabetdinov.pr@gmail.com электрон почтасына язып узарга мөмкин.
Татарстан Республикасы Мәдәният министрлыгының Матбугат хезмәте