Татарстан Республикасы Милли китапханәсендә яңа татар китап клубы эшли башлады
26 мартта, кич сәгать 18.30да, Татарстан Республикасы Милли китапханәсендә татар телендәге «Фикерләшик» китап клубының очрашуы була. Бу – татар авторларының бай мирасын тикшерү һәм популярлаштыру өчен мәйдан, татар әдәбияты дөньясына чумарга, актуаль темаларны бәхәсләшергә һәм яңа әсәрләр белән танышырга теләүче фикердәшләрнең очрашу урыны.
Клубның үзенчәлеге – кыска жанрларга, хикәя һәм новеллаларга игътибар итү. Бу формат катнашучыларга кыска вакыт эчендә әдәби әсәрләрнең киң спектрын колачларга мөмкинлек бирә, бу аеруча эшле кешеләр һәм татар телен өйрәнүне башлаганнар өчен уңайлы.
26 марттагы очрашуда клуб әгъзалары күренекле татар язучысы Әмирхан Еникинең «Картлар» хикәясен тикшерәчәк. Очрашуга кадәр әсәрне алдан укып чыгу мәҗбүри.
Клуб оештыручылары: ТР Милли китапханәсе хезмәткәрләре Фирүзә Бикбаева һәм Айсылу Шәфигуллина.
Чарага керү теркәлү буенча: https://nbrt.timepad.ru/event/3879183/