Чувашиянең яшь рәссамнары картиналары күргәзмәсе Татарстан Халыклар дуслыгы Йортында ачылды
Татарстан Халыклар дуслыгы Йортында Чувашия Рәссамнар берлеге яшь авторларының заманча сәнгать күргәзмә проекты — «Яшь Чувашия» ачылды.
Экспозиция сынлы сәнгатькә традицияләр һәм яңалык, этник мотивлар һәм актуаль сәнгать практикалары берләшкән яңа караш тәкъдим итә.
Чараның хөрмәтле кунаклары булып Татарстан Халыклары Ассамблеясе Советы Башкарма комитеты җитәкчесе Ренат Вәлиуллин, Чувашия Рәссамнар берлеге рәисе Владимир Мудров, Россия Сәнгать академиясе академигы, Чуваш Республикасының атказанган рәссамы Александр Федоров, «Татарстан Рәссамнар берлеге» төбәк бүлеге, Бөтенроссия иҗаты иҗтимагый оешмасы «Россия Рәссамнар берлеге» рәисе Рәбис Сәләхов, Татарстан Республикасы Чуваш милли-мәдәни автономиясе рәисе урынбасары Константин Малышев, Чуваш хатын-кызлары берлеге рәисе Сильвия Чаркина, Татарстанның халык рәссамы, Татарстанның атказанган сәнгать эшлеклесе Михаил Кузнецов, Татарстанның халык рәссамы, Татарстанның атказанган сәнгать эшлеклесе Рустәм Габбасов килде.
Күргәзмәне ачып, Ренат Вәлиуллин оештыручыларга рәхмәт сүзләре белдерде һәм Владимир Мудров белән Александр Федоровка Татарстан Халыклары Ассамблеясе Рәхмәт хатларын тапшырды.