Казан Кремлендә «Татар китап мәдәнияте» күргәзмәсе эшли башлады
Ислам мәдәнияте музеенда Казан Кремлендә Кол Шәриф мәчете ачылуга 20 ел тулуга багышланган «Татар китап мәдәнияте» күргәзмәсе эшли башлады.
Проект Татар китап мәдәниятен чагылдырган иң кызыклы әйберләр белән таныштыра: XIV-XIX гасыр кулъязмалары, Казан Коръән басмалары, XVIII – XX гасыр башы татар дин әһелләре һәм мәгърифәтчеләре әсәрләре, уку әдәбияты, ХХ гасыр башы вакытлы матбугаты, әдәби әсәрләрнең татарчага тәрҗемәләре.
Казан Коръәннәренең сирәк басмалары татар фикер ияләре һәм педагоглары (Г. Утыз-Имәни, Р.Фәхретдинов, к. Насыйри, М. Бигиев) әсәрләре белән тулыландырыла, ә татар поэзиясе һәм драматургиясе классиклары (Г. Тукай, Г. Камал, Ф. Әмирхан) әсәрләре Л. Н. Толстой, Д. Дефо, А. С. Пушкин әсәрләренең татар теленә тәрҗемәләре белән янәшә тора. XIX – XX гасырлар чигендәге вакытлы матбугат.
Сезне Коллекция тарихы белән танышырга, бүләк итүчеләр турында белергә һәм, бәлки, аларның берсе булырга чакырабыз.