Татарстанда «Питрау» республика керәшен мәдәнияте бәйрәмен билгеләп үтәчәкләр
19 июльдә Мамадыш муниципаль районының Җөри авылында «Питрау»республика керәшен мәдәнияте бәйрәме була.
Республика традицион мәдәният бәйрәмнәре Татарстан Республикасы Рәисе Рөстәм Нургали улы Миңнеханов ярдәме белән Татарстан Республикасы территориясендә яшәүче төп халыкларның традицион милли мәдәниятен популярлаштыру һәм саклау максатларында уза һәм «гаилә» милли проектының «гаилә кыйммәтләре һәм мәдәният инфраструктурасы»федераль проектының максатларына һәм бурычларына туры килә.
Быел "Питрау түгәрәк уены — 2025" янә бер сәхнәгә 50дән артык фольклор коллективын җыячак. Фестивальдә Татарстаннан 46 ансамбль, шулай ук башка төбәкләрдән кунаклар: Чиләбе өлкәсенең Нагайбак районыннан, Башкортстанның Бакалы районыннан, Удмуртиянең Грахов районыннан һәм Самара өлкәсеннән фольклор коллективлары катнашачак.
Чара 16.00 сәгатьтә башлана.
Тантаналы ачылу 18:00 сәгатьтә.
Оештыручылар: ТР Мәдәният министрлыгы, ТР Мамадыш муниципаль районы, ТР керәшеннәр иҗтимагый оешмасы, Татарстан халыклары Дуслыгы Йорты Һәм Ассамблеясы ярдәмендә Татакультресурс үзәге.