Габдулла Тукай исемендәге Татар дәүләт филармониясе Бөтенроссия Виртуаль концерт залларының иң яхшы практикалары конкурсында җиңде

2024 елның 4 декабре, чәршәмбе

Габдулла Тукай исемендәге Татар дәүләт филармониясе «ВКЗның иң яхшы проект офисы» номинациясендә Виртуаль концерт залларының бөтенроссия конкурсында җиңде.

Татарстан Республикасында «Мәдәният» милли проектының «Цифрлы мәдәният» федераль проектын гамәлгә ашыру чорында 10 виртуаль концерт залы ачылды. Алар барысы да Татарстан муниципаль берәмлекләре территориясендә урнашкан - виртуаль концерт заллары Арча, Баулы, Спас, Алабуга, Мамадыш, Әлмәт, Буа, Менделеевск районнарында һәм Чаллы һәм Түбән Кама шәһәрләрендә ачылды.