Татарстан китапханәчеләре «Ел китапханәчесе - 2024» Бөтенроссия конкурсы финалистлары булдылар

2024 елның 9 октябре, чәршәмбе

Татарстан Республикасы Милли китапханәсенең китапханә-күргәзмә проектлары һәм үстерү программалары бүлеге китапханәчесе Салават Гафаров һәм Бөгелмә шәһәре Халыклар дуслыгы китапханәчесе (Татарстан Республикасы Бөгелмә муниципаль районының «Татарстан Республикасы Бөгелмә үзәк китапханәсе» МБУК) Наталья Мостафина Россия Федерациясе Мәдәният министрлыгы үткәрә торган «Ел китапханәчесе - 2024» Бөтенроссия конкурсы финалистлары булдылар.

Мондый чаралар үткәрү «Мәдәният» милли проектының «Иҗади кешеләр» федераль проекты максатларына һәм бурычларына туры килә.

Җиңүчеләрнең исемнәре 12 ноябрьдә Россия милли китапханәсендә Санкт-Петербургтагы федераль һәм үзәк төбәк китапханәләре җитәкчеләренең еллык киңәшмәсендә игълан ителәчәк.