Ирада Әюпова Мексиканың Россия Федерациясендәге вәкаләтле илчесе Эдуардо Вильегас Мехиас белән очрашты
Бүген Татарстанда Мексика мәдәнияте көннәре башланды, ул 29 сентябрьгә кадәр дәвам итәчәк. Мәдәни программага кинокүрсәтүләр, фотокүргәзмәләр ачу, китапны тәкъдир итү, рәсми очрашулар һ.б. кергән.
Татарстан Республикасы Мәдәният министрлыгында Татарстан Республикасы мәдәният министры Ирада Әюпова Мексиканың Россия Федерациясендәге тулы вәкаләтле илчесе Эдуардо Вильегас Мехиас белән очрашты.
Очрашуда илченең хатыны Мария Назарет Санчес Ромеро һәм ТР мәдәният министры урынбасары Дамир Натфуллин катнашты.
Программа Н.Фешин исемендәге Казан сәнгать училищесында дәвам итте, анда Эдуардо Вильегас Мехиас "Мексика халкы тарихы" дигән үз китабын тәкъдир итте. Ә Татарстан Мексикасы Мәдәният көннәренең беренче көне «Мир» кинотеатрында Мексика киносы көне ачылу белән тәмамланачак.