Казан Идел буе халыкларының костюмнары турында проектны тәкъдим иттеләр
Казан Кремлендә «Казан Идел буе: халык мәдәнияте образлары» дигән яңартылган күргәзмә ачылды. 44 яңа төзелгән костюм комплексы килүчеләрне XIX гасырның икенче яртысында - XX гасырның беренче яртысында Казан Идел буенда яшәгән рус, татар, башкорт, мари, мордва, удмурт һәм чуваш милли киемнәре белән таныштыра.
Яңартылган экспозициядә шәһәр һәм авыл кешесенең яңа образлары, сакланып калган музей экспонатлары һәм шәхси коллекцияләр предметлары нигезендә кулдан эшләнгән төрле бизәнү әйберләре һәм аксессуарлар тәкъдим ителгән. Проект кураторлары шулай ук коллекцияне музыкаль халык инструментлары һәм Идел буе халыклары көнкүреше предметлары белән тулыландырдылар.
«Казан Идел буе: халык мәдәнияте образларын» күргәзмәсен 2025 елның 19 гыйнварына кадәр күрергә мөмкин булачак. Күргәзмәгә керү - ирекле.
Эш режимы: дүшәмбе-пәнҗешәмбе - 10:00-18:00, җомга - 11:00-20:00, шимбә-якшәмбе - 10:00-18:00. 2024 елның 7 октябреннән дүшәмбе - ял көне.
Адрес: Күргәзмәләр өчен урыннар, 1 подъезд, 2 кат.