Әдәбиятчылар, Олимпия чемпионнары һәм кыстыбыйлар ягы: Казанда Зәй районы Мәдәният көне узды
17 сентябрьдә Казанда “Татарстанның мәдәни башкаласы” конкурсы кысаларында Зәй районының Мәдәният көне узды.
Мондый чаралар үткәрү «Мәдәният» милли проектының «Иҗади кешеләр» федераль проекты максатларына һәм бурычларына туры килә.
Чара Ленин исемендәге Мәдәни-ял итү комплексы каршындагы мәйданда башланды. Бәйрәм кунакларын кабартылган зур чәйнек каршы алды. Аларны татар үлән чәе белән сыйларга чакырып, алты төр чәй тәкъдим ителде. Зәй районы территориясендә чәй өчен үләннәр җыелды.
Шунда ук бәрәңге белән кыстыбый, тары боткасы һәм гөмбә белән бәрәңге ясау буенча мастер-класс үткәрелде.
Ленин исемендәге Мәдәни-ял итү комплексы фойесында Зәй районының декоратив-гамәли сәнгате күргәзмәсе ачылды.
Зәй районының тагын бер горурлыгы - авыл хуҗалыгы җитештерүе. Район авыл хуҗалыгы өлкәсендә алдынгыларның берсе. Төп культура - шикәр чөгендере.
Зәй районының Мәдәният көне “Вакыт көпчәге” дип исемләнгән концерт белән тәмамланды, анда район территориясендә яшәүче дүрт халык - татарлар, руслар, керәшеннәр һәм чуашлар мәдәнияте тәкъдим ителде.