Буа балалар сәнгать мәктәбенең яшь рәссамнары «Парклар маршы-2024» балалар сәнгать конкурсы бүләкләрен алды

2024 елның 11 сентябре, чәршәмбе

“Зөя Буйлары” заказнигы хезмәткәрләре 1 нче Буа балалар сәнгать мәктәбенең яшь рәссамнарын бүләкләде. Алар «Парклар маршы-2024» халыкара акциясе кысаларында «Тыюлыклы табигать дөньясы» сәнгать конкурсында җиңүчеләр булдылар.

"Безнең яшь рәссамнар берничә тапкыр конкурс җиңүчеләре булды. Бу юлы да алар безнең сәнгать мәктәбен үзләренең талантлары белән данладылар, - диләр укытучылар.

Балалар җиңүче дипломнарын һәм бүләкләр алдылар.

Мондый чаралар үткәрү «Мәдәният» милли проектының «Иҗади кешеләр» федераль проекты максатларына һәм бурычларына туры килә.