«Татарстанның мәдәни башкаласы» конкурсы кысаларында Чирмешән районы Мәдәният көне узачак
«Татарстанның мәдәни башкаласы» конкурсы кысаларында 11 сентябрьдә «Әкият» балалар үзәгендә Чирмешән муниципаль районының Мәдәният көне узачак.
Бу көнне чирмешәнлеләр якташлары, кунаклар һәм экспертлар өчен район территориясендә яшәүче халыкларның мәдәни мирасын бөтен матурлыгын һәм колоритын тәкъдир итә.
Чара программасында:
Мәдәни мирас объектларының интерактив һәм күргәзмә мәйданчыклары.
Төрле яшьтәге кешеләр өчен традицион халык сәнгать һөнәрләре буенча 20 дән артык мастер-класслар.
Милли хуҗалыкларны тәкъдир итү, анда район территориясендә яшәүче халыкларның мәдәни мирасы белән танышырга мөмкин булачак.
Төрле авылларга хас милли кухня.
Тематик интерактив хуҗалыклар (театраль, фольклор, йола, музыка, музей, китапханә) һәм күп кенә башка активлыклар.
17:30да бәйрәм кунаклары өчен район коллективлары, үзешчән сәнгать коллективлары, иң яхшы яшь талантлар һәм башкалар катнашында киң концерт программасы тәкъдим ителәчәк. Фольклор, җыр, бию халык коллективлары районның милли йөзен, анда яшәүче кешеләрнең тормыш эшчәнлеген, буыннар бәйләнешен чагылдыручы концерт программасын тәкъдим итәчәкләр.
Мондый чаралар үткәрү «Мәдәният» милли проектының «Иҗади кешеләр» федераль проекты максатларына һәм бурычларына туры килә.