3 сентябрь - террорчылыкка каршы көрәш көне
Ел саен 3 сентябрьдә Россиядә террорчылыкка каршы көрәштә бердәмлек көне билгеләп үтелә.
Истәлекле датаны билгеләү 2004 елның сентябрендә булган фаҗигале вакыйгалар белән бәйле, ул вакытта Төньяк Осетия-Алания Республикасының 1 нче мәктәбендә террорчылык акты нәтиҗәсендә 334 кеше һәлак булган. Алар арасында 186 бала. Беслан вакыйгалары беркемне дә битараф калдырмады, бөтен дөньяны тетрәндерде. Бу фаҗигане оныту мөмкин түгел, балаларны коткару өчен үз гомерләрен биргән кешеләрне дә онытырга ярамый.
Бу көнне без Будённовск, Буйнакск, Владикавказ, Волгоград, Волгодонск, Махачкала, Мәскәү, Первомайск, Санкт-Петербургта һәм илебезнең башка шәһәрләрендә булган башка фаҗигале вакыйгалар корбаннарын искә төшерәбез.
Террорчылыкка каршы торуда барлык гражданнар җәмәгатьчелеген берләштерү максатларында балалар, гади гражданнар, иҗтимагый оешмалар, волонтерлар һәм хакимият органнары вәкилләре матәм көненә багышланган массакүләм мәдәни чараларда катнашалар.
Истә тоту мөһим, террорчылыкны бөтен Россия җәмгыяте көчләрен берләштереп кенә җиңәргә мөмкин. Илнең барлык гражданнарының уртак тырышлыгы террорчылык һәм экстремизмның үсүен булдырмый калырга мөмкинлек бирәчәк, җинаятьчеләрне ярдәмнән мәхрүм итәчәк. Россиядә һәм чит илләрдә барлык кешеләр үз сафларын террорчылыкка каршы берләштерергә, планетаны XXI гасыр чумасыннан коткару өчен барысын да эшләргә тиеш.