Казан Кремлендә Губернатор сараена багышланган күргәзмә ачылды
Татар халкы дәүләтчелеге тарихы музееның күргәзмә залында Казан Кремленең Губернатор сарае комплексына багышланган күргәзмә ачылды. «Император фатиры белән йорт» күргәзмә проекты бинаның һәм аның территориясенең бай тарихы белән таныштыра.
Экспозициядә - архив документлары, гравюралар, рәсем сәнгате, фотосурәтләр, шулай ук борынгы җиһазлар, археология, XVI гасырның монета хәзинәсе. Күргәзмәне булдыру өчен «Казан Кремле» Музей-тыюлыгы, Татарстан Республикасы Милли музее, Татарстан Республикасы сынлы сәнгать дәүләт музее, Татарстан Республикасы Фәннәр академиясенең А.Х.Халиков исемендәге Археология институты, Татарстан Республикасы Дәүләт комитетының архив эше буенча, А.В. Щусев исемендәге Дәүләт фәнни-тикшеренү музее, Н.И. Лобачевский исемендәге Фәнни китапханә, «Зарайский» дәүләт музей-тыюлыгы экспонатлары җәлеп ителде.
Бүген Губернатор сарае - Татарстан Республикасы Рәисе резиденциясе. Ул төбәктәге хакимият урыны тарихын дәвам итә, биредә Татарстан өчен мөһим карарлар турында фикер алышалар, кунакларны иң югары дәрәҗәдә кабул итәләр. Яңартылган, әмма үзенчәлеген югалтмаган бина, туристлар һәм шәһәр халкы игътибарын җәлеп итә.
Эш режимы: дүшәмбе-пәнҗешәмбе - 10:00-18:00, җомга - 11:00-20:00, шимбә, якшәмбе - 10:00-18:00
Адрес: «Казан Кремле» музей-тыюлыгы, Татар халкының һәм Татарстан Республикасының дәүләтчелеге тарихы музее (Сөембикә манарасы янында)