Яр Чаллы дәүләт курчак театры сәхнәсендә инклюзив театрлар спектакльләре күрсәтеләчәк
20 августтан 22 августка кадәр «Безгә кызганмыйча карарга килегез» социаль-мәдәни проектын гамәлгә ашыру кысаларында Яр Чаллы дәүләт курчак театры сәхнәсендә Волгоградның «Җылы Артистлар» инклюзив театры спектакльләрен Чуаш дәүләт курчак театры артистлары белән берлектә күрсәтәчәкләр.
20 августта 10.00 сәгатьтә театр базасында сәламәтлек мөмкинлекләре чикләнгән кешеләрне эшкә урнаштыру һәм тернәкләндерү мәсьәләләре белән шөгыльләнүче коммерциячел булмаган оешмалар вәкилләре һәм Яр Чаллы шәһәренең Мәдәният һәм мәгариф идарәсе вәкилләре өчен түгәрәк өстәл узачак.
Проект сәламәтлек мөмкинлекләре чикләнгән кешеләр театр сәнгатен популярлаштыру һәм «махсус» артистлар катнашында спектакльләр аудиториясен киңәйтү өчен оптималь шартлар тудыруга юнәлтелгән.
Артистлар тамашачыларга өч куелыш тәкъдим итәчәк: Михаил Зощенконың шул ук исемдәге хикәясе буенча "Бөек сәяхәтчеләр" интеграцияләнгән спектакле, Николай Гогольнең "Шинель" повесте мотивлары буенча "Рафалэк" спектакле һәм Евгений Шварцның "Югалган вакыт турындагы әкиятләр" мотивлары буенча "Әкият" спектакле.
«Җылы Артистлар» махсус гастроль туры 18 һәм 19 августта «Карусель сказок» V Халыкара курчак театрлары фестивале һәм «Безгә бертөрле булу мәҗбүри түгел» IX Халыкара махсус фестивале кысаларында Чабаксар шәһәрендә (Чуваш Республикасы) һәм Россиянең берничә эре шәһәрен - Яр Чаллы, Уфа, Владимир яулаячак.
Әлеге проектны тормышка ашыру Президент грантлары фонды ярдәмендә мөмкин булды.