Алабуга музеенда «BASHNYA» VII Халыкара яшь рәссамнарның иҗат лабораториясенең йомгаклау күргәзмәсен тантаналы ачу була
14 августта 15.00 сәгатьтә Алабуга дәүләт музей-тыюлыгында «BASHNYA» VII Халыкара яшь рәссамнарның иҗат лабораториясенең йомгаклау күргәзмәсен ачу тантанасы була. Россиядә Гаилә елына багышланган иҗади проект һәм аның йомгаклау күргәзмәсе «Барысы да гаиләдән башлана» дигән исемне алды.
Мондый чаралар үткәрү «Мәдәният» милли проектының «Иҗади кешеләр» федераль проекты максатларына һәм бурычларына туры килә.
Катнашучылар Санкт-Петербургтан, Уфадан, Яр Чаллыдан, Белоруссиядән һәм Төркиядән 19 яшьтән 36 яшькә кадәрге 18 яшь егет һәм кыз булды.
Белорус дәүләт сәнгать академиясе, Акдениз университеты һәм Анкараның Хаджи Байрам Вели исемендәге институты, А.Л. Штиглица исемендәге Санкт-Петербург дәүләт сәнгать-сәнәгать академиясе, З. Исмәгыйлев исемендәге Уфа дәүләт сәнгать институты, Кама сәнгать һәм дизайн институты студентлары да катнашты.
Яшь рәссамнарның «BASHNYA» VII Халыкара иҗат лабораториясен Татарстан Республикасы Мәдәният министрлыгы һәм Алабуга дәүләт музей-тыюлыгы оештырды.