Сентябрьдә «Татарстанның мәдәни башкаласы» республика конкурсы дәвам итә
«Татарстанның мәдәни башкаласы» республика конкурсы дәвам итә.
2023 елның төп үзенчәлеге республиканың муниципаль берәмлекләре арасында «Татарстанның мәдәни башкаласы» конкурсы булды. Ел дәвамында бергә эшләү нәтиҗәсендә Казан шәһәренең төрле мәйданчыкларында мәдәни программалар күрсәтелде. Аларда халык Татарстанның 43 муниципаль берәмлегенең уникаль милли традицияләре, гореф-гадәтләре һәм казанышлары белән танышты. Конкурсны онлайн һәм офлайн форматларда 123 меңнән артык тамашачы кабул итте. Конкурс 20 меңнән артык катнашучыны берләштерде.
«Былтыр ел үзенчәлекләренең берсе «Татарстанның мәдәни башкаласы» республика конкурсын уздыру иде, аның кысаларында ел дәвамында республика муниципаль берәмлекләренең Мәдәният көннәре узды. Быел да без бу күркәм традицияне дәвам итәбез. Проект Татарстан Республикасы Рәисе Рөстәм Нургалиевич тарафыннан җылы хупланды», - диде Ирада Әюпова.