Татарстан Республикасында Казан Идел буе халыкларының традицион киемнәрен торгызу буенча тарихи-этнографик проектны гамәлгә ашыру дәвам итә
Татарстан Республикасында XIX гасырның беренче яртысында һәм XX гасырның беренче яртысында Казан Идел буе территориясендә яшәүче халыкларның традицион киемнәрен торгызу буенча тарихи-этнографик проектны гамәлгә ашыру дәвам итә. Проект 2022 елда Ассамблея һәм Татарстан халыклары дуслыгы йорты инициативасы белән һәм Татарстан Республикасы Рәисе Р.Н. Миңнеханов ярдәме белән башланган иде. Ә инде 2023 елда Казан Кремлендә аның беренче нәтиҗәләре тәкъдир ителде. Алар беренче тапкыр киң халыкка Идел буе халыкларының традицион киемнәренең уникаль борынгы комплексларын тәкъдим иттеләр.
Хәзерге заман осталары тарафыннан торгызылган рус, татар, мари, мордва, башкорт, чуаш һәм удмурт киемнәренең 29 комплексы әйдәп баручы төбәк һәм Россия экспертлары, хакимият органнары һәм этномәдәни җәмәгатьчелекне югары бәяләде. Проект кысаларында бастырылган 7 Идел буе халкы туган телләрендә иллюстрацияләнгән каталог аеруча кызыксыну уятты.