«Яшәү сәнгате» мәдәни-агарту үзәге иҗат сезонын төгәлләде
Сезон ябылуда Юрий Заряднов һәм Юлия Грехова чыгыш ясады.
«Яшәү сәнгате» мәдәни-агарту үзәге иҗат сезонын төгәлләде һәм җәйге ялга китте. Пространствода яңа очрашулар җәй ахырында башлана. Яңа сезонда беренче чара 26 августка планлаштырылган.
Җәйге каникуллар алдыннан финал аккорды ничек яңгыравын искә төшерик. Йомгаклау кичәсенең кунаклары опера һәм эстрада җырчысы Юрий Заряднов һәм аның хатыны пианистка Юлия Грехова (Санкт-Петербург шәһәре) булды.
«Яшәү сәнгате»ндә узган очрашуда музыкантлар үзләренең иҗади юлларын ничек башлап җибәрүләре турында сөйләделәр, тормыштан кызыклы тарихлар белән уртаклаштылар һәм тыңлаучыларга тере башкаруда музыкаль композицияләр бүләк иттеләр.
Яңа сезонда беренче чара 26 августта узачак. Бу «Август! Йолдызлы яңгырлар ае» дигән кичә булыр. Анда халыкара һәм бөтенроссия конкурслары лауреатлары, «Арт-линия» фонды стипендиатлары катнаша.
Чара С.Сәйдәшев музеенда «Яшәү сәнгате» мәдәни-агарту үзәге ярдәмендә узачак.