«Хәзинә» Милли сәнгать галереясендә Гаилә елына күргәзмә ачылачак
19 июльдә 16:00 сәгатьтә Татарстан Республикасы «Хәзинә» Милли сәнгать галереясендә «Нәсел. Нигез. Йола" экспозициясе ачыла. Темасы татарларның гаиләсенә, нәселенә һәм туй традицияләренә багышланган. Күргәзмә идеясе XIX-XX гасырлар чигендә татар гаиләсенең атмосферасын, тирәлеген күрсәтү, татар туй комплексының кайбер үзенчәлекләрен ачу, шулай ук үткәнебезне, хәзерге һәм киләчәкне бәйләүче узел-традицияләрне табу.
Күргәзмәне ачу тантанасына керү ирекле.
Чара Гаилә елы кысаларында уздырыла һәм «Мәдәният» һәм «Демография» милли проектларының максатларына һәм бурычларына туры килә.
Никахлашу, гаилә кору татарларда изге бурыч булып кына калмыйча, гадел, бай, бәхетле тормыш өчен дә кирәк дип саналган.
Татар мәкальләре шуны раслый:
Нәсел агачы - ата-баба, бер ботагы - ата-ана, күп ботагы - кардәш-ыру, яфраклары - бала-чага.
Өйләнү - мәхәббәт белән бурыч;
Бу икәүсез булмас тормыш.
Өйләнү - кеше гомерендә бер килә.
Ат алсаң, өең белән киңәш,
Хатын алсаң, авылың белән киңәш.
«Нәсел. Нигез. Йола" Россиядә Гаилә елына багышлана.
Күргәзмә 2024 елның 15 сентябренә кадәр дәвам итәчәк.