Икенче Бөтенроссия балалар Фольклориады-2024 программасы
19-23 июнь көннәрендә Татарстанда Бөтенроссия балалар Фольклориадасы узачак.
Чара Россиянең 80 төбәгеннән 1000нән артык балалар фольклор, хореографик, халык-җырчы, инструменталь ансамбльләрен берләштерәчәк.
Фольклориаданың төп бурычлары - матди булмаган этномәдәни байлыкны саклау, үсеп килүче буында иске традицияләргә һәм гореф-гадәтләргә хөрмәт һәм горурлык тәрбияләү, балалар һәм яшьләр фольклор хәрәкәтен үстерү.
Масштаблы иҗади акция халыкларның мәдәни үзенчәлекләрен саклап калуга һәм Россия Федерациясенең этник бергәлеген популярлаштыруга, үсеп килүче буынны әхлакый-эстетик тәрбияләү, илдәге балалар һәм яшьләр фольклор хәрәкәтен үстерүгә ярдәм итәргә тиеш.
Ачылу тантанасы 20 июньдә Казанның тарихи үзәгендә, Игенчеләр сараенда узачак. Трансляция: https://vk.com/video-206902542_456239686
Бөтенроссия балалар Фольклориадасы - уникаль иҗади проект, “Мәдәният” милли проекты кысаларында Россия Федерациясе Мәдәният министрлыгының финанс ярдәме белән гамәлгә ашырыла.
Икенче Бөтенроссия балалар Фольклориады программасы
