Малайзиядә Татарстан Республикасы Мәдәният көннәре дәвам итә

2024 елның 14 июне, җомга

2024елның 13 июненнән 15 июненә кадәр «Алтын минбар» Казан халыкара кино фестивале Джохор-Баруда (Малайзиядәге шәһәр, Малайзия султанаты башкаласы Джохор Малай ярымутравының көньягында) күрсәтүләрен дәвам итә.

Бүләкләр белән билгеләнгән җиде Россия фильмы малайзиялеләргә ачык бибилиотекларда өч көнлек кинофестиваль дәвамында күрсәтелә.

Джохор Че Пуан Махкот регентының хатыны Халидә Бустамам, кинофестивальдә рәислек итеп, программа халыкка Казаннан, Татарстанның иң зур шәһәреннән һәм башкаласыннан сәнгать әсәрләре белән ләззәтләнергә мөмкинлек бирә, диде. "Бу Казанның тормыш кыйммәтләрен, бай тарихны, мәдәниятне һәм уникаль традицияләрне аңлау мөмкинлеге. Мин ышанам, кинофестиваль шулай ук җирле кинематографистларның фикерләвен үзгәртә һәм китапханәләрне үз эшләрен күрсәтү өчен платформа буларак кулланырга мәҗбүр итә алачак, бу аларның фильмнары белән күбрәк кеше ләззәтләнсен өчен", - диде ул үз чыгышында.

Малайзиядәге Россия илчесе Найыл Латыйпов хәбәр иткәнчә, җиде фильм җирле мәдәниятне тәкъдим итү өчен сайлап алынган.

«Бу фильмнар Татарстанны гына түгел, тулаем Россияне дә тәкъдим итә. Программадан ике фильм исламның Россиягә ничек үтеп керүен һәм мөселманнарның Россия җәмгыятендә ничек яшәүләрен күрсәтәчәк", - диде ул.

Джохор - элегрәк ул Куала-Лумпурда - Малайзия башкаласы һәм Шах-Алам шәһәрендә 8 июньнән 10 июньгә кадәр (Шах-Алам - Малайзиядә Селангор штатының башкаласы) узганнан соң кинофестивальнең икенче һәм соңгы тукталышы.

Татарстан фильмнары күрсәткечләрендә тамашачыларның безнең кинематографистлар белән очрашулары уза. Малайзиядә Казан кинофестивален режиссерлар Айназ Мөхәммәтҗанов («Ибн Фадлан») һәм Юля Захарова («Тарлан», «Хәлимә»), шулай ук продюсер, «Татаркино» дәүләт бюджет мәдәният учреждениесе директоры һәм «Алтын мөнбәр» Казан халыкара кино фестивале башкарма директоры Миләүшә Айтуганова тәкъдим итә.

Фильмнардан тыш, фестивальдә килүчеләр шулай ук сәнгать, тарих һәм мода күргәзмәләрен карый ала.