Россия көненә Татарстан Республикасы Милли музеенда оркестрлар уйнаячак
11 июньдә Татарстан Республикасы Милли музееның җәйге сәхнәсендә Казан оркестрлары уйнаячак бәйрәм концерты була. Башлана 18.00 сәгатьтә, керү ирекле.
Бәйрәм кичәсен ачып җибәргән беренче оркестр - Росгвардиянең Идел буе округы Казан махсус моторлаштырылган полкының хәрби оркестры. 1999 елның мартында нигез салынган. Ул вакытта аңа сигез музыкант күчерелә, бер атнадан алар үзләренең беренче чарасында уйныйлар. Бүгенге көндә коллективта 15 музыкант бар. Оркестр белән хәрби дирижер, Татарстан Республикасының Атказанган артисты майор Вадим Кравчук җитәкчелек итә. Оркестр Россия һәм Татарстан халыклары музыкасы, джаз, патриотик композицияләр яңгыраячак төрле жанрлы программа уйнаячак.
Концертта шулай ук «Казан Нуры» оркестры да катнаша. Халык уен кораллары оркестры 1998 елда Казан шәһәре администрациясе «Казан» милли мәдәни үзәге базасында оештырылган. 2000 елдан, яңа сәнгать җитәкчесе һәм баш дирижер, хәзерге Татарстанның атказанган артисты, бөтенроссия һәм халыкара конкурслар лауреаты Рәсимә Ильясова килү белән, оркестр «Казан нуры» дип атала башлады, бу исә татар теленнән тәрҗемә иткәндә Казанның нурын яки балкышын аңлата. Оркестр кабатланмас яңгырашка ия, теләсә нинди юнәлеш, стиль һәм жанрларның музыкасын башкара. Оркестр составында 20 музыкант бар.