ТР Дәүләт Советында "Мәктәп укучылары өчен мәдәният" ведомствоара мәдәни-мәгариф проекты активистларын бүләкләделәр
Бүген Халыкара балаларны яклау көнендә Татарстан Республикасы Дәүләт Советында “Мәктәп укучылары өчен мәдәният” ведомствоара мәдәни-мәгариф проекты активистларын бүләкләү тантанасы узды.
Бүләкләү тантанасында Татарстан Республикасы мәдәният министрының беренче урынбасары Юлия Әдһәмова катнашты.
«Мәктәп укучысының мәдәни көндәлеге» республика мәдәни-мәгариф проекты Татарстан Республикасы Раиса Р.Н. Миңнеханов ярдәме белән гамәлгә ашырыла һәм 2019 елдан «Мәктәп балалары өчен мәдәният» федераль ведомствоара проекты составына кертелде.
Проектны гамәлгә ашыру кысаларында проектның барлык блоклары буенча 4 меңнән артык чара үткәрелгән инде: «Мәдәни Поход», «Мәдәни клуб», «Цифрлы мәдәният». Проектта катнашучылар саны ел саен 300 меңнән артык укучы тәшкил итә.
Проект 2014 елдан Татарстан Республикасы Мәдәният министрлыгы, Татарстан Республикасы Мәгариф һәм фән министрлыгы һәм «Татармультфильм» АНО тарафыннан башлангыч мәктәп укучылары өчен рус һәм татар телләрендә гамәлгә ашырыла.