Нуриев фестивале Казанда - «Душа танца» призы лауреаты
2024 елның 28 маенда Станиславский һәм Немирович-Данченко исемендәге Мәскәү академия музыка театрында "Балет" журналы тарафыннан гамәлгә куелган "Душа танца" призын тапшыру тантанасы узды. Абруйлы бүләк лауреатларының берсе - Рудольф Нуриев исемендәге Халыкара классик балет фестивале. Приз Муса Җәлил исемендәге Татар академия дәүләт опера һәм балет театры директоры, Нуриев фестиваленең инициаторы һәм генераль продюсеры Рәүфәл Сабиров Мөхәммәтҗановка тапшырылды.
"Душа танца" профессиональ балет бүләге 1994 елда Россия Федерациясе Мәдәният министрлыгы һәм "Балет" журналы тарафыннан гамәлгә куелган. Бирү турындагы карар редакция коллегиясе һәм журналның иҗат советы тарафыннан кабул ителә. Приз ел саен тапшырыла; яшәү дәверендә бүләккә ия булучылар Ольга Лепешинская, Марина Семенова, Раиса Стручкова, Майя Плисецкая, Родион Щедрин, Владимир Васильев, Юрий Григорович, Ульяна Лопаткина, Николай Цискаридзе, Светлана Захарова, Диана Вишнева, Евгения Образцова, Иван Васильев, Олег Габышев һәм балет сәнгатенең башка бик күп эшлеклеләре.