Казан консерваториясе "Кече шәһәрләргә зур музыка" проектының I этабына нәтиҗә ясады
15 майда Н.Г. Җиһанов исемендәге Казан дәүләт консерваториясендә мәдәният һәм музыка белеме өлкәсендә «Кече шәһәрләргә зур музыка» масштаблы проектының I этабы нәтиҗәләренә багышланган матбугат конференциясе һәм хисап концерты узды.
«Кече шәһәрләргә зур музыка» проекты «Сәнгать күпере» фонды һәм Казан консерваториясе тарафыннан Президент мәдәни инициативалар фонды тарафыннан бирелгән Россия Федерациясе Президенты грантын кулланып гамәлгә ашырыла.
Матбугат конференциясендә Казан консерваториясе ректоры Вадим Дулат-Алеев, “Сәнгать күпере” мәдәният өлкәсендә проектларга ярдәм итү фонды президенты Виктор Ямпольский, Казан консерваториясенең иҗат эшчәнлеге һәм җәмәгатьчелек белән элемтә проректоры Елена Хәкимова катнашты.
Проектның максаты - Татарстанның кече шәһәрләрендә яшәүчеләрне академик музыкаль сәнгатькә, шулай ук классик музыка өлкәсендә балаларны һәм яшьләрне агарту. Проект барышында Казан консерваториясе студентлары һәм укытучылары Татарстан шәһәрләрендә концертлар һәм белем бирү программалары белән булдылар.