Казан һәм Бурятия циркы арасында хезмәттәшлек турында килешүгә кул куйды
2023 елның октябрендә Казан циркында Бурят мәдәнияте көннәрен үткәрү планлаштырыла. Чара кысаларында бурят һөнәрчеләре ярминкәсе һәм милли аш ризыкларын тәтеп карау булачак.
8 сентябрьдә Казан дәүләт циркы һәм Бурятия Республикасы Дәүләт циркы Татарстан Республикасы белән Бурятия Республикасы арасында сәүдә-икътисадый, фәнни-техник һәм социаль-мәдәни хезмәттәшлек турындагы килешүне гамәлгә ашыру кысаларында хезмәттәшлек итү турындагы килешүгә кул куйды.
Яңа гына имзаланган килешү кысаларында Казанда 2023 елда Улан-Уде цирк гастрольләренең киңәйтелгән программасы узачак.
Казан тамашачыларына БурятияЦиркының иң яхшы 2 тамашасын күрсәтәчәкләр: мультимедиа пластик «Zam Life» спектакле һәм «Легенды Байкала» этно-шоу тамашасы тәкъдим ителәчәк.
Шул ук вакытта Казан циркы бинасында Бурятия Республикасы һөнәрчеләренең уңышлары ярминкәсе, милли аш мастер-класслары һәм дегустация узачак. Теләүчеләр бурят ашчылары белән аралаша һәм киңәшләшә алачак.