Мәскәүдә «Үзгәреш җиле» татар җыры фестиваленең гала - концерты узачак
2022 елның 13 сентябрендә Мәскәүдә «Зарядье» концертлар залында Татарстан Республикасы мәдәнияте көннәре кысаларында «Үзгәреш җиле» татар җыры фестиваленең гала - концерты узачак. Кичә 19.00 сәгатьтә башлана.
Концертта 15 артист - Алинә Шәрипҗанова, Айдар Сөләйманов, Илнар Миранов, Гөлнора Гатина, Әмир Әхмәдишин, Максуд Юлдашев, Ксения Коробкова, Илгиз Шәйхразиев, Лилиана Газизова, Юлия Гарифуллина, Марсель Вәгыйзов, Артур һәм Эльза Исламовлар, Татьяна Ефремова, Руслан Сәйфетдинов һәм «Jukebox trio» төркеме чыгыш ясаячак.
Катнашучылар симфо-джаз оркестры аккомпанементы астында (дирижер – Станислав Корбатский) татар телендә заманча җырлар тәкъдим итәчәк.
Концертта шулай ук Айдар Гайнуллин (Германия), Айнур Моратов һәм Борис Плотников (ирен гармуны) катнашачак. Кичәдә Сергей Мандрик (Мәскәү) җитәкчелегендә «Street Jazz» балеты чыгыш ясаячак.
Музыкаль җитәкче-музыкант, трубач, бэнд-лидер, педагог Вадим Эйленкриг (Мәскәү).
Тамашаның конструктив-яктылык карары тамашасы Дмитрий Шамов җитәкчелегендә башкарылды.