Яшь сайлаучы клубы проектына конкурс игълан ителде

Муниципаль китапханәләр арасында Яшь сайлаучы клубы проектына конкурс игълан ителде. Бу чара 2007 – 2008 елларда үтәчәк сайлау компаниялары алдыннан Татарстан Республикасы Үзәк сайлау комиссиясе һәм Мәдәният министрлыгы тарафыннан булдырылды. Конкрусны оештыручы - Республика яшьләр китапханәсе. Конкурс максатлары: яшьләрнең гражданлык позициясен булдыру һәм сәяси мәдәниятен үстерү.

Шунлыктан Республика яшьләр китиапханәсе Яшь сайлаучы клубларын оештыруы өчен өйрәнү семинарларын үткәрүгә кереште. Беренче “Китапханә һәм яшьләрнең гражданлык позициясен булдыру” дип исемләнгән семинар 2006 елның 22-нче декабрендә үтте. Анда Арча, Әтнә, Бөектау, Балтащ, Яшел Үзән, Кукмара, Лаеш, Мамадыш, Питрәч, Балык бистәсе, Саба, Теләче районнары башлыклары катнашты.

16-нче гыйнварьдә исә Буа муниципаль районы китапханәсе нигезендә Апас, Буа, Бөектау, Кайбыч, Кама тамагы, Тәтеш, Әгерҗә районнары яшь сайлаучылар клублары җитәкчеләре өчен сабаклар узачак. Ә 18-нче гыйнварьдә исә Чистай китапханәсе нигезендә Аксубай, Алексеевск, Әлки, Спас, Яңа Чишмә, Норлат, Черемшән, Чистай районнары китапханә белгечләре укыячак. Көньяк-көнчыгыш җитәкчеләре өчен өйрәтүче семинарлар исә гыйнварь ахырында оештырылачак.

Укытуны башкаруга Узәк сайлау комиссиясе, җирле сайлау комиссияләре һәм Республика милли китапханәсенең баш һәм әйдәп баручы белгечләре җәлеп ителде.

Конкурс 2007 елның апрель башында Республика яшьләр китапханәсендә йомгакланачак.