Милли музей күргәзмәсе Россия шәһәрләре буйлап сәяхәткә китте

2022 елның 6 июне, дүшәмбе

2022 елда бөтен Россия буйлап Петр I нең 350 еллыгы уңаеннан чаралар уза. Гадәти булмаган проектлар арасында - «Петр корабеллары» күчмә стенд күргәзмәсе. Ел ахырына кадәр ул Петр I чорының суднолар төзелеше һәм флот тарихы белән бәйле Россия шәһәрләре буйлап сәяхәт итәчәк. Күргәзмә проектының кураторы - Татарстан Республикасы Милли музее.