Казанда мәктәп укучылары өчен «IT-Fresh» профиль смена узачак
15 декабрьдән 21 декабрьгә кадәр Казанның «Байтик» сәламәтләндерү-белем бирү комплексында анимацион роликлар, видеороликлар һәм компьютер уеннары булдыру белән кызыксынучы һәм шөгыльләнүче балалар һәм яшүсмерләр өчен профиль смена оештырыла. Смена «Байтик» һәм «Татаркино» мәдәният учреждениесе белән берлектә оештырыла.
«IT-Fresh» - "Байтик" сәламәтләндерү-белем бирү комплексы экспертлары һәм "Милли мультFest" Республика балалар кинофестиваленең Башкарма дирекциясе тарафыннан булдырылган 7 яшьтән 17 яшькә кадәрге балалар өчен бер атналык профиль смена.
Профиль сменаның төп максатлары: визуаль сәнгать өлкәсендә талантлы балаларны һәм яшүсмерләрне ачыклау һәм аларга ярдәм итү, аларның иҗади һәм интеллектуаль потенциалын стимуллаштыру, шулай ук «Милли мультFest» кинофестиваленә хезмәтләр әзерләүдә ярдәм итү.
Программада сценарий осталыгы, режиссура, компьютер анимациясе һ.б. Лекторлар арасында режиссер Салават Юзеев һәм Сергей Киатров, сценарийчы Дмитрий Савин, программачы Олег Сенин («Яндекс») һ. б. буенча төрле мастер-класслар уздырачаклар. Смена проектларны яклау белән тәмамланачак.