Петербургта туган якны өйрәнү музейларын алга этәрүнең алдынгы тәҗрибәләре турында фикер алыштылар
10 декабрь Россия этнография музееның Мәрмәр залында Туган якны өйрәнү музееның муниципаль стандарты Бөтенроссия конференция-презентациясе узды.
Пленар утырышта РФ мәдәният министры Ольга Любимова, Эрмитажның генераль директоры Михаил Пиотровский, ТР мәдәният министры Ирада Әюпова, Дәүләт тарих музее директоры Алексей Левыкин, Россия этнография музее директоры Юлия Купина һәм башка федераль һәм муниципаль мәдәният учреждениеләре җитәкчеләре катнашты.
Конференция кысаларында «Музейларны алга этәрүнең алдынгы тәҗрибәләре» һәм «Муниципаль музейларны яңарту коралы буларак модель стандарт» тематик секцияләре узды.
Республика делегациясе составына Тәтеш ягы тарих музее директоры Наталья Понедельникова да керде.
Коллективның югары иҗади активлыгы нәтиҗәсендә музейның мәдәни, ял итү һәм белем бирү үзәге буларак статусы сизелерлек артты. Музей тарафыннан 10 грант проекты гамәлгә ашырылды, бу федераль һәм республика финансларын җәлеп итәргә, музейга килүчеләрнең санын арттырырга мөмкинлек бирде.
Шулай ук музей туризмны үзләштерү белән генә чикләнмәгән, туроператор функцияләрен дә үз өстенә алган.
Музей яңа методлар, анимацион - тематик модульләр ярдәмендә Татарстанның мәдәни мирасын популярлаштыра, чөнки музей Россия туристларын гына түгел, ә чит ил туристларын да кабул итә. Музей коллективы тырышлыгы белән Тәтеш шәһәрендә туристлар агымы ел саен арта бара.