Милли музейда республиканың сәяси әһәмиятле шәхесен искә алачаклар
2021 елның 24 ноябрендә Татарстан Республикасы Милли музеенда республиканың танылган сәяси эшлеклесенең 110 еллыгына багышланган "Салих Гыйлемхан улы Батыев: портретка штрихлар» дип исемләнгән чара узачак.
Вакыйга ТР Дәүләт Советы ярдәме һәм инициативасы белән үткәрелә. Чарада катнашучылар арасында ТР Дәүләт Советы Рәисе Фәрит Мөхәммәтшин, ТР Дәүләт Советы вәкилләре, галимнәр, музей хезмәткәрләре бар. Мәдәни чара «Татарстан тарихында 100 исем» музей-белем бирү проекты кысаларында үткәрелә.
Республиканың иҗтимагый-сәяси тормышының әһәмиятле тарихи чоры әлеге шәхеснең исеме белән бәйле. 1960 елдан 1983 елга кадәр Салих Батыев республика парламентын – Татарстан АССР Югары Советын җитәкли. Ул сәяси репрессия корбаннарын реабилитацияләү өчен күп эш башкарган кеше: меңләгән гаепсез төрмәдә утырган кешеләр вакытыннан алда азат ителгән. Ватан хыянәтчесе дип саналган герой-шагыйрь Муса Җәлилне реабилитацияләүдә актив катнашкан.
Милли музей, Дәүләт Советы тарихы музее һәм Татарстан Республикасы Дәүләт архивы вәкилләре Батыевның биографиясе һәм эшчәнлеге белән җентекләп танышу өчен махсус күргәзмә әзерләде.
ТР Милли музее, 2 кат, конференц-зал. Башлана 11 сәгатьтә.