Җиңү көне алдыннан хәрби җырлар яңгыраячак

2021 елның 29 апреле, пәнҗешәмбе

Н.Җиһанов исемендәге Казан дәүләт консерваториясе С.Сәйдәшев исемендәге Дәүләт Зур концерт залы сәхнәсендә Җиңү көненә багышланган программа тәкъдим итәчәк.

Концерт 6 майда һәм традицион рәвештә хәйрия чарасы буларак узачак. Кунаклар арасында сугыш һәм хезмәт ветераннары, тыл хезмәтчәннәре дә бар.

Концертта консерваториянең күренекле яшь җырчылары һәм инструменталистлары, Татарстанның атказанган сәнгать эшлеклесе Ринат Халитов җитәкчелегендәге «Tatarica» оркестры, Дмитрий Железнов җитәкчелегендәге малайлар капелласы катнаша.

Концерт 18:30 сәгатьтә башлана.

Казан консерваториясе каналына YouTube та сылтама.