«Милли мультFest» белем бирү программасын "Байтик"та күрәчәкләр
«Милли мультFest» Республика балалар кинофестиваленең финалы программасы кысаларында «Байтик» белем бирү-сәламәтләндерү комплексында балалар өчен профиль смена оештырылды.
22 апрельдә балалар "Татармультфильм" баш режиссеры, Казан дәүләт мәдәният институтының кино һәм телевидение режиссурасы кафедрасы укытучысы Сергей Киатров, "Байтик"та төрле IT-дисциплиналар укытучысы Самат Кадыйров, режиссер, Казан дәүләт мәдәният институтының кино һәм телевидение кафедрасы укытучысы Юлия Захарова һәм "Союзмультфильм" киностудиясе генераль директоры Борис Машковцевтан белемнәр алдылар.
Сергей Киатровның мастер-классында балалар «Анимация» төшенчәсе, аның төрләре һәм техникасы, шулай ук аны ясау чаралары белән таныштылар. Шулай ук бер төркем яшь мультипликаторлар мультфильмнар төзүдә очрый торган төп хаталар турында да белделәр. Сергей Владиславович үзенең киңәшләрен бирде, төп җитешсезлекләрне билгеләде.
Юлия Захарова яшь кинематографистлар өчен динамик мастер-класс үткәрде: балалар логика һәм фикерләү, камера эшенә юнәлтелгән уеннар уйнадылар. Алар арасында яшь актерлар да, яшь режиссерлар да бар иде.
Компьютер уеннарын яратучылар «Байтик» лагереның төрле IT-дисциплиналар укытучысы Самат Кадыйров белән аралашуга бик шат булдылар. Катнашучылар уеннарны оештыруда аларга информатика укытучылары булышуын, бу эшкә чумган IT-белгечтән кыйммәтле киңәшләр алырга теләүләрен белдерделәр.
Смена программасында көтеп алган вакыйга «Союзмультфильм» киностудиясе генераль директоры Борис Машковцевтан мастер-класс булды.
Ул «Простоквашино» мультфильмы мисалында анимацион эшнең барлык нечкәлекләре һәм этаплары турында сөйләде һәм күрсәтте. Сүз уңаеннан, хәзерге вакытта «Простоквашино» каналның иң яхшы мультфильмы булып торуын әйтте, әйтик 2021 елның март аенда аны 1 миллиардтан артык тамашачы караган.
«Дөресен әйтәм-Мультипликация көндәлек уку, үсеш һәм эзләнүне таләп итә торган шактый четерекле һәм тырышлык таләп итүче хезмәт. Әгәр син мультипликатор булырга телисең икән, бу һөнәрне яратмау мөмкин түгел! Мөмкинлекләрегез шулкадәр күп - аларны кулдан ычкындырмагыз!"- диде Борис Александрович Машковцев.