Казанда «Милли мультFest» Республика балалар кинофестиваленең йомгаклау зональ туры узачак
Казанның «Мир» кинотеатрында 13 март шимбә көнне сәг. 10:00 «Милли мультFest» Республика балалар кинофестиваленең йомгаклау зональ туры узачак. Биредә Биектау, Әтнә, Арча, Балтач, Кукмара, Саба, Теләче, Алексеевск, Әлки, Лаеш, Питрәч, Балык Бистәсе муниципаль районнары вәкилләре катнашачак.
Исегезгә төшерәбез, зональ турлар Зәй һәм Буа шәһәрләрендә, шулай ук Актанышта узды. Хәзерге вакытта конкурсның ярымфиналына «Татар телендә анимацион фильмнар» номинациясендә – 40, «Татар телендә балалар өчен кыска метражлы фильмнар» номинациясендә – 16, «Татар телендә компьютер уеннары» номинациясендә-49 хезмәт сайлап алынды.
«Милли мультFest» Республика балалар кинофестиваленә йомгак һәм лауреатларны бүләкләү тантанасы 23 апрельдә Татар филармониясе бинасында узачак.