20 февральдә Алабуга дәүләт музей-тыюлыгының күргәзмәләр залында "Риваятьләр җире" күргәзмәсен ачу тантанасы үтте
20 февральдә Алабуга дәүләт музей-тыюлыгының күргәзмәләр залында Сарапул тарихи-архитектура һәм сәнгать музей-тыюлыгы җыелмасыннан «Риваятьләр җире» күргәзмәсен ачу тантанасы булды.
Кунакларны Алабуга музее генераль директоры Гөлзада Руденко, Алабуга муниципаль районы башкарма комитеты җитәкчесе Ленар Нургаянов, Удмуртия Республикасы икътисад министрлыгының туризм үсеше идарәсенең туризм бүлеге башлыгы Юлия Железняк, Сарапул шәһәренең мәдәният, спорт һәм яшьләр сәясәте идарәсе башлыгы урынбасары Ирина Мымрина сәламләде. Сарапул делегациясен Сарапул тарихи-архитектура һәм музей-тыюлыгы директоры Сабина Креклина җитәкли.
Традиция буларак музей хезмәткәрләре истәлекле бүләкләр һәм үзләренең сувенирлары белән уртаклаштылар. Илгиз Хановтан тагын бер бүләк – Цветаеваның ясалган портреты Алабуга музей-тыюлыгына бүләк буларак бирелде. Җырчы һәм курайчы Тәлгать Зарипов үзенең иҗаты белән кунакларга яхшы кәеф бүләк итте. Күргәзмәдә беренче экскурсияне Сарапул музей-тыюлыгы директорының фәнни-агарту эшчәнлеге буенча урынбасары Дарья Козлова үткәрде.
Бу Алабуга һәм Сарапул музей-тыюлыкларының беренче күргәзмә проекты.