Бүген Казанда театр коллективларының төбәкара «Идел-йорт 2020» конкурсында җиңүчеләрне бүләклиләр
Бүген 19:00 сәгатьтә Г.Камал исемендәге Татар дәүләт академия театры сәхнәсендә Шамил Закиров исемендәге «Идел-йорт 2020» театр коллективларының XX юбилей төбәкара конкурсында җиңүчеләрне бүләкләү тантанасы була. Конкурс быел ТАССР төзелүнең 100 еллыгын һәм 1941-1945 ел Бөек Ватан сугышында Җиңүнең 75 еллыгын бәйрәм итү кысаларында уза.
Бүләкләү тантанасы Тәлхә Гыйниятуллин пьесасы буенча куелган «Җир белән күк арасында» спектаклен күрсәтү белән тәмамланачак.
Конкурс 2020 елның 13 октябреннән 21 декабренә кадәр дәвам итте, бәйгедә Татарстан Республикасы һәм Россия Федерациясе регионнарының иң яхшы үзешчән театр коллективлары сайлап алынды.
Керү чакыру билеты белән бушлай. Чакыру билетына гаризалар эш көннәрендә 9:00-18:00кадәр 89179268173 телефоны аша кабул ителә.