Г.Камал исемендәге Татар дәүләт Академия театрында Нәҗибә Ихсанованың юбилей кичәсе була
7 мартта 19.00 сәгатьтә Г.Камал исемендәге Татар дәүләт Академия театрында Россиянең һәм Татарстанның Халык артисты, Татарстанның Г.Тукай исемендәге Дәүләт премиясе лауреаты Нәҗибә Ихсанованың юбилей кичәсе була.
Нәҗибә Ихсанова – Г.Камал театры сәхнәсендә татар театрының реалистик традицифләрен дәвам итеп төрле хасияттәге образлар иҗат иткән атаклы, күренекле артистка. Аның иңат репертуарында татар, рус, чит ил авторлары әсәрләрендә башкарылган 100дән артык образ бар.
7 март көнне театр сәхнәсендә Нәҗибә Ихсанованы юбилее белән дуслары һәм хезмәттәшләре котлаячак. Шулай ук, бу көнне тамашачыларга Туфан Миңнуллинның үткен юморы белән сугарылган “Гөргөри кияүләре” спкетакле күрсәтеләчәк. Нәҗибә Ихсанова әлеге спектакльдә шат күңелле Әүдәки ролен башкара.
Мәгълүмат өчен телефоннар: 8-9274-40-70-70, (843)293-52-50
Татарстан Республикасы Мәдәният министрлыгының матбугат үзәге