Казан дәүләт мәдәният һәм сәнгать университетының театр институты һәм Галиәсгар Камал исемендәге Академия театры студентлар кабул итә

Театр институты профессиональ театрлар өчен югары белемле артистлар һәм режиссерлар хәзерли. Уку актерлар өчен - 4 ел, режиссерлар өчен 5 ел дәвам итә. Гаризалар  15  июньнән 5  июльгә кадәр кабул ителә.

Керү өчен кирәкле документлар: гариза, урта белем турында таныклык, паспорт, хезмәт кенәгәсе, сәламәтлек турында белешмә, 3х4 см зурлыгындагы 6 фоторәсем.

Кабул итү имтиханнары: Рус теле (БДИ); Рус әдәбияты (БДИ); Белгечлек буенча сынау - өч әдәби әсәрне яттан уку (шигырь, мәсәл яки чәчмә әсәрдән өзек); җыр, бию, музыкаль әсәр башкару; Коллоквиум (әңгәмә).

Моннан тыш режиссерлык юнәлешенә укырга керүче абитуриентлар
Практик режиссура буенча өстәмә имтихан тапшырырга тиеш

Абитуриентларның татар телен белүләре мәҗбүри.  

1 марттан якшәмбе көннәрдә көндезге сәгать 11 дән 1 гә кадәр Г.Камал театрында консультацияләр үткәрелә.

Кабул итү имтиханнары университетта уза.

Курс җитәкчесе – Фәрит Бикчәнтәев, Татарстанның һәм Россиянең атказанган сәнгать эшлеклесе, Татарстанның Г.Тукай исемендәге Дәүләт премиясе лауреаты, Г.Камал исемендәге Татар дәүләт Академия театрының баш режиссеры.

Университетның адресы: 420059, Казан шәһәре, Оренбург тракты, 3
Тел. 277-59-17, 277-05-54 www.kazguki.ru

Театрның адресы: 420021, Казан, Татарстан урамы, 1нче йорт, тел. 293-06-38, 293-52-50 www.kamalteatr.ru