Казанның Яшь тамашачылар театрында «Лиса и виноград» спектаклен алдан күрсәтү оештырылды
Казан дәүләт яшь тамашачылар театрында драматург Гильерме Фигейредоның «Лиса и виноград» пьесасы (1952 ел) буенча куелган спектакль премьерасы булды. Куелыш - Щукин исемендәге Театр институтының режиссёрлык курсы магистранты һәм Герасимов исемендәге ВГИКның Владимир Меньшов һәм Вера Алентова исемендәге актерлык-режиссерлык остаханәсен бетереп чыккан Александр Тумановныкы.
Бу спектакль Татарстан Республикасы Президенты Рөстәм Миңнеханов ярдәме белән гамәлгә ашырылды.
Яшь режиссерның эшен Татарстан Республикасы мәдәният министры Ирада Әюпова, Яшь тамашачылар театры директоры Айгөл Горнышева, шулай ук сәхнә ветераннары, Казан театрлары актерлары, ММЧ вәкилләре карады.
Фигейредо драматургиясенең үзенчәлекле сыйфаты «бәйсезлек идеяләренә тугрылык» иде. Драматург әсәрләре нигезендә антик сюжетлар ята. «Лиса и виноград» искәрмә түгел, спектакльдә дә азатлык идеясе ята.