Балаларны яклау көненә Татаркино #Мультконцерт багышлый

31 май һәм 1 июнь көннәрендә «Татаркино» ДБМУ социаль челтәрләрдә гадәти булмаган «Мультконцерт» күрсәтәчәк. Татарстанның театрларда эшләүче һәм кинода төшү тәҗрибәсе булган танылган актерлар Совет мультфильмнарыннан җырлар башкарачак. Һәр җыр өчен кечкенә генә клип төшереләчәк.

Акциядә катнашуга шулай ук балалы гаиләләр дә чакырыла. Моның өчен теләсә кайсы  мультфильмнан җыр башкарырга һәм видеоны Instagram челтәрендәге шәхси битеңдә #Мультконцерт_Татаркино хештегы белән урнаштырырга кирәк (инструментларда уйнау  яки җырны  балалар һәм ата-аналар бергәләп башкарырга тиеш). Иң яхшы номерлар өчен призлар биреләчәк, аларны тапшыру 8 июльдә, Гаилә, мәхәббәт һәм тугрылык көнендә оештырыла. Бүләк алган  гаиләләр 8 июльдә Аксенов скверындагы «Мир» кинотеатры янында офлайн-форматта узачак концертта чыгыш ясау өчен чакырыла.