25 апрельдә онлайн режимда «МӘХӘББӘТЛЕ ЕЛЛАР: ЛИРИКА» дигән исем астында шигъри кичә узачак
25 апрельдә 19:00-20:30 сәгатьтә Калеб яшьләр берләшмәсе һәм Татар китабы йорты BERGӘ акциясе кысаларында онлайн режимда «МӘХӘББӘТЛЕ ЕЛЛАР: ЛИРИКА» шигъри кичәсен үткәрә. Катнашучылар саны шактый: ул Казан, ТР шәһәрләре һәм районнары, РФ төбәкләре, Германия, Төркияне колачлый...
Шигъри кичә мөһим даталарга – Габдулла Тукайның туган көненә, Шигърият көненә һәм Туган тел көненә багышлана.
Проектта 23 шагыйрь һәм 5 актер катнашачак.
“Һәркем үзизоляциядә булырга тиешле бу катлаулы вакытта, мәхәббәт турында сөйләргә кирәкме икән, дигән сорау туарга мөмкин. Ә җавап гади: иң авыр вакытларда да кешеләрне бары мәхәббәт кенә берләштерә һәм коткарып кала алган. Татар шигърияте гасырлар дәвамында тирән лирикага ия булган. Һәм ул шуның белән көчле һәм кабатланмас та", - дип сөйләде проект авторлары.
Кичәне Йолдыз Миңнуллина һәм Луиза Янсуар алып барачак.
Эфирга түбәндәге аккаунтлар буенча тоташырга мөмкин:
• https://www.instagram.com/kalebtatar/?hl=ru
• https://www.instagram.com/tatar_kitabi_yorti/?hl=ru
• https://vk.com/kalebtatar
• https://vk.com/tatbookhouse