Татарстан Республикасы мәдәният министры Ирада Әюпованың Пейсах бәйрәме уңаеннан котлавы
Татарстан Республикасының барлык яһүд җәмгыяте вәкилләрен иң төп яһүд бәйрәмнәренең берсе - Пейсах бәйрәме белән чын күңелдән котлыйм!
Пейсах - яһүд халкының тарихын, аның иреккә омтылышын чагылдыручы борынгы бәйрәм. Бәйрәмнең гасырлар дәвамында үзгәрешсез калган традицияләре кадерләп саклана һәм буыннан-буынга тапшырылып килә.
Татарстан Республикасында үзара татулыкта яшәүче халыкларның милли бәйрәмнәрне бергә тату гаилә булып билгеләп үтүе күркәм гадәткә әйләнде. Төрле халыкларның гореф-гадәтләренә, мәдәниятенә һәм диненә хөрмәт булуы - Татарстанның тотрыклы үсеше өчен ышанычлы нигез.
Пейсах - ул, барыннан да элек, гаилә бәйрәме. Бу - вакытны гаилә белән үткәрү, туганнарга һәм якыннарга карата игътибарлы булу, бер-берең белән аралашу, ярату һәм кайгырту өчен яхшы мөмкинлек! Сезгә нык сәламәтлек, оптимизм, гаилә иминлеге һәм бәхет телим!
Министр И.Х.Әюпова