7 сентябрьдә Уфада V Халыкара "Туганлык" төрки телле театрлар фестивале ачыла. Фестивальгә Татарстаннан Кәрим Тинчурин исемендәге татар дәүләт драма һәм комедия театры катнаша.
Коллектив күренекле драматург Туфан Миңнуллинның "Төш" драмасын уйнаячак. Спектакльне сәхнәгә 8 сентябрьдә күрә алачаклар. Әсәрне сәхнәгә Татарстанның атказанган сәнгать эшлеклесе, Россиянең атказанган артисты Рәшит Заһидуллин куйды.
Татарстан Республикасы Мәдәният министрлыгының Матбугат хезмәте.