Татарстанның декоратив-гамәли сәнгать осталарын Мәскәүгә күргәзмәгә чакыралар
Экспозициядә илнең төрле төбәкләреннән килгән иң яхшы осталарның эшләре тәкъдим ителәчәк. Биредә декоратив-гамәли сәнгатьнең барлык юнәлешләре дә тәкъдим ителә: корал эшләү, зәркән сәнгате, керамика һәм фарфор, күн, агач һәм сөяк эшләнмәләр, инталия һәм графика, миниатюра, туку һәм башкалар. Шулай ук биредә 2016 һәм 2018 еллардагы Гранд-күргәзмә, РФ Дәүләт сагы конкурсы, Россия һәм халыкара фестивальләр, күргәзмәләр җиңүчеләре һәм номинантлары эшләрен күрергә мөмкин.
Сәнгать һәм мода форумы кысаларында шулай ук 17 нче халыкара Баш киемнәре, кием-салым һәм аксессуарлар күргәзмәсе, MosFur 7нче күн-мех салоны, KiDS балалар модасы һәм сәнгате атналыгы узачак. Экспозициядә мода индустриясенең алдынгы Россия һәм чит ил компанияләре тәкъдим ителәчәк.
Төп подиумда эшлекле программа чаралары, мастер-класслар, түгәрәк өстәл утырышлары, хәзерге заман рәссамнары турында документаль фильмнар күрсәтеләчәк, киң мәдәни программа да каралган.
Күргәзмәне «Декоратив-гамәли сәнгать рәссамнарының иҗади берлеге» төбәкара иҗтимагый оешмасы оештыра.
Тулырак http://forum-dpi.ru, www.tshdpi.ru
Күргәзмәне оештыру комитеты белән элемтә өчен:
Полуянова Оксана +7 926 903 32 18;
Богомолов Валерий +7 495 188-26-65;
Цыцулин Алексей +7 916 619 92 82;
E-mail: tshdpi-2019@yandex.ru