Шәһәр көне уңаеннан Г. Камал исемендәге ТДАТ өч спектакль күрсәтәчәк
2012 елның 15 августы, чәршәмбе
27 августта 18.00 дә Ркаил Зәйдулла әсәре буенча куелган “Үлеп яратты” спектакле күрсәтеләчәк. Спектакльдә татарлардан тәүге хатын-кыз мәгърифәтчеләрнең берсе, кыз балалар өчен беренче мәдрәсәгә нигез салучы, мөселман дөньясында беренче һәм әлегә кадәр бердән-бер казыя булган, картлык көнендә НКВД төрмәсенә ябылып, җәзаларга, төрлечә кимсетүләргә дучар ителгән, атарга хөкем ителгән, әмма сынмаган-сыгылмаган Мөхлисә Бубиның фаҗигале һәм гыйбрәтле тормышы турында бәян ителә.
29 августта 19.00 дә Шәһәр көненә һәм Республика көненә багышланган спектакльләр сериясе Кәрим Тинчуринның “Зәңгәр шәл”е белән ябылачак. Камал Театрының “визит карточкасы”на, символына әверелгән бу спектакльгә тамашачы мәхәббәте һич кимеми, ул легендар статуска ия булды инде. Бу пьесада милли идеал – һәрчак яшь һәм һәрчак гүзәл ир-ат һәм хатын-кыз образлары гәүдәләнә, халыкның гыйсьяни, ирек сөючән рухы, туган җиргә олы мәхәббәт хисе чагылыш таба. Татар театры серенә төшенү өчен “Зәңгәр шәл”не вакыйгалар тезмәсе итеп кенә күрүдән узып, андагы куәтле хис дулкынына кушылырга кирәк.
Татарстан Республикасы Мәдәният министрлыгының Матбугат хезмәте
Бүлешү:
СОҢГЫ ЯҢАЛЫКЛАР
27
март, 2026 ел
Бөтендөнья театр көнендә Габдулла Тукай исемендәге Әтнә татар дәүләт драма театры сәхнәсендә Ел саен үткәрелә торган театр конкурсында һәм Татарстан Республикасы Мәдәният министрлыгының «Тантана» премиясе җиңүчеләрен игълан иттеләр.
Татарстан Республикасы мәдәният министрлыгы, Татарстан Республикасы Театр эшлеклеләре берлеге, Г.Камал исемендәге Татар дәүләт Академия театры драматургия өлкәсендә чираттагы «Яңа татар пьесасы-2026» премиясенә конкурс игълан итәләр.
Үзенең 131 нче туган көнендә, 5 апрельдә, Татарстан Республикасы Милли музее «Сирәклекләр кабинеты: Борынгы Мисыр һәм антика коллекцияләре» дигән яңа күргәзмә ача. Күргәзмә музейның Мисыр һәм антика коллекцияләрен беренче тапкыр тулы күләмдә тәкъдим итәчәк – безнең эрага кадәр IV меңьеллыктан башлап, безнең эраның III–IV гасырларындагы Рим Мисрындагы ут савытына кадәр.
Хөрмәтле хезмәттәшләр, театр сәнгате әһелләре, кадерле сәхнә ветераннары, тугры тамашачыларыбыз!
Ихлас йөрәктән сезне Халыкара театр көне белән тәбрик итәм! Быел театр җәмәгатьчелеге берничә күренекле вакыйганы билгеләп үтә: татар профессиональ театрының 120 еллыгы, Большой театрның 250 еллыгы, Александринский театрның 270 еллыгы, Россия Федерациясе Театр әһелләре берлегенең 150 еллыгы. Бу вакыйгалар – чор тарихы гына түгел, меңләгән кеше язмышы: актерлар, режиссерлар, рәссамнар, ут куючылар, костюмерлар, грим ясаучылар, музыкантлар, билет тикшерүчеләр, гардероб эшчеләре һ.б. Бу кешеләр – тере театр дип аталган могҗиза тудыручылар.
Бүген республикабызда 30га якын профессиональ театр, йөзләгән халык һәм балалар театр коллективлары эшләп килә. Без яңа театрлар төзибез, тарихи биналарны төзекләндерәбез, яшь белгечләргә һәм сәхнә ветераннарына ярдәм итәбез. Шулай да, театрның төп байлыгы ул – кешеләр. Тамашаны карарга килүчеләр, сәхнәдә балкучылар һәм сәхнә артында калучылар.
120 элек татар поэзиясенең кояшы Габдулла Тукай «Театр» шигырендә безнең өчен кадерле васыять әйтеп калдырган:
Халыкка дәрсе гыйбрәттер театр,
Күңелдә йоклаган дәртне уятыр.
Театр — яктылыкка, нурга илтә,
Кире юлга җибәрми, уңга илтә.
Кадерле коллегалар! Бу юлдан тугры атлавыгыз өчен: халык йөрәген уятып, яктылыкка, хакыйкатькә юл ачып, халыкка ышаныч бирүегез өчен рәхмәт сезгә!
Бәйрәм белән!
Хөрмәт белән, Татарстан Республикасы мәдәният министры Ирада Әюпова
ЯҢАЛЫКЛАРГА ЯЗЫЛУ
Адрес: 420015, Казан шәһәре, Пушкин урамы, 66/33
Телефон:
+7 (843) 264-74-01, 264-74-02
Факс: +7 (843) 292-07-26
E-Mail: mkrt@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз